Մեղուն ու մարդը
Ղազարոս Աղայան
Մեղուն մեկ անգամ հարցրեց իր տիրոջը:
– Քո կենդանիներից ո՞րն է ամենից օգտակարը:
– Գիտեմ, դու երևի կարծում ես, թե ամենից օգտակարը դու ես, բայց սխալվում ես, – պատասխանեց տերը:
– Ինչպե՞ս, տեր, ո՞րն է այն կենդանին, որ ինձանից ավելի օգտակար է:
– Ոչխարը:
– Այդ հաշիվ չէ, տեր. ոչխարը իմ հասակակից չէ: Նա մի ահագին կենդանի է, իսկ ես մի միջատ եմ: Դու պետք է ինձ իմ ընկերների հետ համեմատես:
– Շատ բարի. շերամը քեզ պես փոքր է, բայց քեզանից շատ օգուտ է տալիս:
– Շերամը ո՞րն է:
– Շերամն այն իմաստուն որդն է, որ մեզ համար աննման քնքուշ մետաքս է շինում:
– Հա˜ , իմացա, այդ այն շատակեր ճիճուն չէ՞, որին անդադար կերակրում եք թթան տերևներով:
– Նա ինքն է:
– Բայց գիտե՞ս, տեր, նրա չափ որ մեզ էլ կերակրեք, մենք մեղրի տեղ ոսկի կշինենք ձեզ համար: Դուք ոչ մի կենդանի չունեք, որ իր կերակուրը մեզ նման ինքը լինի շինելիս և ուրիշներին էլ բաժին լինի տալիս: Այնպես չէ՞, պարոնս:
– Այո, այդ կողմից դու ուղիղ ես . մենք դեպի ձեզ շատ ապերախտ ենք, որովհետև բոլորովին անխնամ ենք թողնում ձեզ…
Մեղուն ուրախացավ տիրոջ պատասխանիցը և թռավ նստեց վարդենու վրա:
Հարցեր և առաջադրանքներ
- Քո կարծիքով ո՞րն է ամենաօգտակար կենդանին։ Ինչո՞ւ ես այդպես կարծում։ Իմ կարծիքով խխունջները որովետև նրան կարելի է դրսից տուն բերել ու պահել ապակե բանկաի մեջ։
- Համացանցից առանձնացրու 5 փաստ մեղվի մասին և հրապարակի՛ր բլոգումդ։Մայիսի 20-ը Մեղուների միջազգային օրն է: ՄԱԿ-ի Գլխավոր ասամբլեան մեղուներին առանձին օր է նվիրել, որպեսզի բարձրացվի նրանց նշանակության մասին տեղեկացվածությունը։Մեղուները հայտնի են ծաղկաբույսերի փոշոտման մեջ իրենց կարևոր դերով և նրանով, որ տալիս են մեղր և մեղրամոմ։
- Նախադասությունները համառոտիր՝ թողնելով միայն ի՞նչը, ի՞նչ է անում հարցերին պատասխանող բառերը։
- Մեղուն հարցրեց
- Ճիճուն ուտում է:
- Մեղուն պատասխանիցը:
- Տեքստից առանձնացրո՛ւ հարցերի պատասխանող բառեր և լրացրու աղյուսակը․
Ի՞նչ | Ինչպիսի՞ | Ի՞նչ է անում |
մեղու | օգտակար | կերակրում |
տեր | ուրախ | հարցրեց |
ոչխար | ուղիղ | սխալվեց |
շերամ | շատակեր | պատասխանեց |
կենդանի | անխանամ | համեմատեց |